Ramapuram Nalambalam:രാമപുരം നാലമ്പലത്തിന്റെ അപൂർവ ദർശനയാത്ര 2026
മലപ്പുറം ജില്ലയിലെ അങ്ങാടിപ്പുറത്തിന് സമീപമുള്ള രാമപുരം പ്രദേശം കേരളത്തിലെ അപൂർവമായ ക്ഷേത്രദർശന പാരമ്പര്യത്തിന് പേരുകേട്ട സ്ഥലമാണ്. രാമായണത്തിലെ ദാശരഥി സഹോദരന്മാരുമായി ബന്ധപ്പെട്ട നാല് ക്ഷേത്രങ്ങളും സീതാദേവി ക്ഷേത്രവും ഉൾപ്പെടുന്നതാണ് ഇവിടെ പ്രസിദ്ധമായ Ramapuram Nalambalam ദർശനം.Ramapuram Nalambalam
പുഴക്കാട്ടിരി, കുറവ പഞ്ചായത്തുകളിലായി സ്ഥിതി ചെയ്യുന്ന ഈ ക്ഷേത്രങ്ങൾ തമ്മിൽ പ്രത്യേകമായ ആത്മീയ ബന്ധമുണ്ട്. ശ്രീരാമൻ, ലക്ഷ്മണൻ, ഭരതൻ, ശത്രുഘ്നൻ എന്നിവരുടെ ക്ഷേത്രങ്ങളാണ് പ്രധാന നാലമ്പല ദർശനത്തിലെ കേന്ദ്രങ്ങൾ. ഇതോടൊപ്പം സീതാദേവി ക്ഷേത്രത്തിലും ദർശനം നടത്തുന്നതോടെയാണ് തീർഥയാത്ര പൂർണമാകുന്നതെന്നാണ് വിശ്വാസം.
നാലു ക്ഷേത്രങ്ങളിലെയും പ്രധാന പ്രതിഷ്ഠകൾ ശംഖ്, ചക്രം, ഗദ, പത്മം എന്നിവ ധരിച്ച ചതുര്ബാഹു വൈഷ്ണവ രൂപത്തിലാണ്. ശ്രീരാമ ക്ഷേത്രത്തിൽ ദർശനം നടത്തി ലക്ഷ്മണൻ, സീത, ഭരതൻ, ശത്രുഘ്നൻ എന്നീ ക്രമത്തിൽ ദർശനം പൂർത്തിയാക്കി വീണ്ടും ശ്രീരാമ ക്ഷേത്രത്തിലെത്തിയാണ് നാലമ്പല ദർശനം സമാപിപ്പിക്കുന്നത്.Ramapuram Nalambalam
രാമപുരം പ്രദേശത്തെത്തുന്ന ഭക്തർക്കായി രാവിലെയും ഉച്ചയ്ക്കും അന്നദാനവും ഒരുക്കിയിട്ടുണ്ട്. ചരിത്രപരമായി ടിപ്പുവിന്റെ പടയോട്ടവുമായി ബന്ധപ്പെട്ട നാശനഷ്ടങ്ങൾ നേരിട്ട ക്ഷേത്രങ്ങളാണ് ഇവ. എന്നാൽ താരതമ്യേന വലിയ കേടുപാടുകൾ ഒഴിവായത് രാമപുരം ശ്രീരാമക്ഷേത്രത്തിനാണ്.
രാമപുരം ശ്രീരാമസ്വാമി ക്ഷേത്രം
മലപ്പുറം ജില്ലയിലെ പുഴക്കാട്ടിരി പഞ്ചായത്തിലാണ് രാമപുരം ശ്രീരാമസ്വാമി ക്ഷേത്രം സ്ഥിതി ചെയ്യുന്നത്. വിശ്വാമിത്ര മഹർഷിയുടെ തപോഭൂമിയായിരുന്നു ഈ പ്രദേശമെന്നാണ് വിശ്വാസം. സനകാദി മഹർഷിമാരുടെ സാന്നിധ്യവും ഇവിടെ ഉണ്ടായിരുന്നുവെന്ന ഐതിഹ്യമുണ്ട്.
മലബാർ ദേവസ്വം ബോർഡിന്റെ നിയന്ത്രണത്തിലുള്ള ക്ഷേത്രത്തിന്റെ തന്ത്രം തരണനെല്ലൂർ പടിഞ്ഞാറെ മനയ്ക്കാണ്.
നരസിംഹ ക്ഷേത്രത്തിനും ശാസ്താ ക്ഷേത്രത്തിനും മധ്യേയാണ് ഈ ക്ഷേത്രം സ്ഥാപിച്ചതെന്നാണ് പറയപ്പെടുന്നത്. ടിപ്പുവിന്റെ പടയോട്ടക്കാലത്ത് ആദ്യകാല വിഗ്രഹത്തിന് കേടുപാടുകൾ സംഭവിച്ചതിനെ തുടർന്ന് പിന്നീട് വിഗ്രഹം മാറ്റി. ഇപ്പോഴുള്ള വിഗ്രഹം കൊല്ലവർഷം 1099-ൽ തൃത്താലയ്ക്കടുത്തുള്ള വെള്ളിയാങ്കല്ലിൽ നിന്ന് കൊണ്ടുവന്ന കൃഷ്ണശിലയിൽ നിർമ്മിച്ചതാണ്.
കിഴക്കോട്ട് ദർശനമുള്ള ക്ഷേത്രത്തിലെ ശ്രീകോവിൽ ചെങ്കല്ലിൽ നിർമ്മിച്ച രണ്ട് തട്ടുകളുള്ള വട്ടശ്രീകോവിലാണ്. മൂന്ന് പൂജകൾ നടക്കുന്നു. നിത്യശീവേലി പതിവില്ല.
ചക്രവർത്തി ഭാവത്തിലുള്ള ശ്രീരാമനാണ് പ്രധാന പ്രതിഷ്ഠ. രാവിലെ വനവാസ രാമനായും വൈകുന്നേരം സീതാസമേതനായും സങ്കൽപ്പിച്ചാണ് പൂജകൾ നടത്തുന്നത്.
പ്രധാന വഴിപാടുകൾ
പാൽപ്പായസം, അഭീഷ്ടസിദ്ധിക്കായി അമ്പും വില്ലും ചാർത്തൽ, നെയ്വിളക്ക് എന്നിവ പ്രധാന വഴിപാടുകളാണ്. നാരദർക്ക് അടയും ഹനുമാന് അവിൽ നിവേദ്യവും ഇവിടെ പ്രസിദ്ധമാണ്.
കന്നിമൂല ഗണപതി, ഹനുമാൻ, പ്രഭാ-സത്യക സമേതനായ ശാസ്താവ്, വിഷ്ണു, ഭഗവതി, ശിവൻ, ഭദ്രകാളി തുടങ്ങിയ ഉപദേവതകളും ക്ഷേത്രത്തിലുണ്ട്.
കുംഭമാസത്തിലെ വെളുത്ത ഏകാദശിയാണ് പ്രധാന ഉത്സവം. ഉത്സവത്തിന് എട്ട് ദിവസം മുൻപ് താൽക്കാലിക കൊടിമരത്തിൽ കൊടിയേറും. നാല് ദേശങ്ങളിൽ നിന്നുള്ള വേലവരവ് ഉത്സവത്തിന്റെ പ്രധാന ആകർഷണമാണ്.
കുംഭമാസത്തിലെ ഉത്തൃട്ടാതി നക്ഷത്രത്തിലാണ് പ്രതിഷ്ഠാദിനം ആചരിക്കുന്നത്.
സാധാരണ ദിവസങ്ങളിൽ രാവിലെ 5.30 മുതൽ 10 മണിവരെയും വൈകിട്ട് 5.30 മുതൽ 7 മണിവരെയുമാണ് ദർശനം. കർക്കടക മാസത്തിൽ ദർശനസമയം കൂടുതലായിരിക്കും.
അയോധ്യനഗർ ലക്ഷ്മണ ക്ഷേത്രം
പുഴക്കാട്ടിരി പഞ്ചായത്തിലാണ് അയോധ്യനഗർ ലക്ഷ്മണ ക്ഷേത്രം സ്ഥിതി ചെയ്യുന്നത്. പടിഞ്ഞാറോട്ട് ദർശനമുള്ള വട്ടശ്രീകോവിലിൽ ശ്രീരാമനെ അഭിമുഖീകരിക്കുന്ന രീതിയിലാണ് ലക്ഷ്മണസ്വാമിയുടെ പ്രതിഷ്ഠ.
കൃഷ്ണശിലയിൽ നിർമ്മിച്ച വിഗ്രഹമാണ് ഇവിടെയുള്ളത്. മൂന്ന് പൂജകൾ നടക്കുന്ന ക്ഷേത്രത്തിൽ നിത്യശീവേലി പതിവില്ല.
വിശ്വാമിത്ര മഹർഷിയുടെ തപസിന്റെ ഫലമായി ഈ ക്ഷേത്രം ഉണ്ടായതാണെന്ന വിശ്വാസത്തെ തുടർന്ന് മഹർഷിക്കായി ദിവസവും രണ്ട് നേരം വിളക്ക് തെളിയിക്കുന്നു.
ടിപ്പുവിന്റെ പടയോട്ടകാലത്ത് നശിച്ച ഗണപതി, ദുർഗ്ഗ, ശാസ്താവ് എന്നീ ഉപദേവതകൾക്ക് പിന്നീട് പുതിയ സ്ഥാനങ്ങൾ ഒരുക്കി പുനഃപ്രതിഷ്ഠ നടത്തി. നവഗ്രഹ പ്രതിഷ്ഠയും ക്ഷേത്രത്തിലുണ്ട്.
മിഥുനമാസത്തിലെ അത്തമാണ് പ്രതിഷ്ഠാദിനം. ധനുമാസത്തിലെ സ്വർഗവാതിൽ ഏകാദശിയും ഇവിടെ പ്രധാനമാണ്. കുട്ടല്ലൂർ മനയ്ക്കാണ് തന്ത്രം. ക്ഷേത്രത്തിന്റെ ഊരാളസ്ഥാനം മേലേപ്പാട്ട് ഭട്ടതിരി കുടുംബത്തിനാണ്.
ലക്ഷ്മണ ക്ഷേത്രത്തിലെ പ്രധാന വഴിപാടുകൾ
പഞ്ചസാരപ്പായസം, സന്താനലാഭത്തിനായുള്ള നാഴിയരിയും പിടിയും, കാര്യസിദ്ധിക്കായുള്ള സർവൈശ്വര്യ പൂജ, നവഗ്രഹ പൂജ എന്നിവ പ്രധാന വഴിപാടുകളാണ്.
ദുരിതനിവാരണത്തിനും ഐശ്വര്യത്തിനുമായി നടത്തുന്ന ചതുര്ബാഹു സമർപ്പണവും ഏറെ പ്രധാനപ്പെട്ട വഴിപാടായി കണക്കാക്കപ്പെടുന്നു.
രാവിലെ 5.30 മുതൽ 9 മണിവരെയും വൈകിട്ട് 5.30 മുതൽ 7 മണിവരെയുമാണ് സാധാരണ ദർശനസമയം.
നാലാംകളം സീതാദേവി ക്ഷേത്രം
രാമപുരം നാലമ്പല ദർശനത്തിലെ പ്രധാനപ്പെട്ട ഭാഗമാണ് നാലാംകളം സീതാദേവി ക്ഷേത്രം. പുഴക്കാട്ടിരി പഞ്ചായത്തിൽ സ്ഥിതി ചെയ്യുന്ന ഈ ക്ഷേത്രം പുനരുദ്ധാരണ ഘട്ടത്തിലാണ്. നിലവിൽ സീതാദേവിയുടെ വിഗ്രഹം ബാലാലയത്തിലാണ് പ്രതിഷ്ഠിച്ചിരിക്കുന്നത്.
രാമപുരം ശ്രീരാമസ്വാമി ക്ഷേത്രത്തിന്റെ ഉടമസ്ഥതയിലുണ്ടായിരുന്ന പതിനാറായിരംപറ പാട്ടനിലത്തിലെ നാലാംകളത്തിലാണ് ക്ഷേത്രം സ്ഥിതി ചെയ്യുന്നത്. എല്ലാ മാസവും പൗർണ്ണമി ദിവസങ്ങളിൽ പ്രത്യേക പൂജകൾ നടക്കുന്നു.
ലക്ഷ്മണ ക്ഷേത്രത്തിന്റെ പുനരുദ്ധാരണവുമായി ബന്ധപ്പെട്ട ജ്യോതിഷ പ്രശ്നവിചാരണയിലാണ് സമീപത്തെ സീതാദേവി ക്ഷേത്രത്തെക്കുറിച്ച് കൂടുതൽ വിവരങ്ങൾ ലഭിച്ചതെന്നാണ് ക്ഷേത്രവുമായി ബന്ധപ്പെട്ട വിശ്വാസം.
സീതാദേവിക്ക് വിളക്ക് തെളിയിച്ചാലേ ലക്ഷ്മണ ക്ഷേത്രത്തിന്റെ പുരോഗതി ഉണ്ടാകൂ എന്നായിരുന്നു പ്രശ്നവിധിയെന്നാണ് പറയപ്പെടുന്നത്. തുടർന്നുള്ള പൗർണ്ണമി പൂജകളുമായി ബന്ധപ്പെട്ട് ക്ഷേത്രത്തിന്റെ നഷ്ടപ്പെട്ട ഭൂമി തിരിച്ചുപിടിക്കാനുള്ള ശ്രമങ്ങൾ ആരംഭിച്ചു.
എട്ട് പൗർണ്ണമി പൂജകൾ പൂർത്തിയായതിന് ശേഷം ഭൂമി കൈവശം വച്ചിരുന്നവർ ക്ഷേത്ര ഭാരവാഹികളെ സമീപിക്കുകയും പിന്നീട് ട്രസ്റ്റ് രൂപീകരിച്ച് ഭൂമി ക്ഷേത്രത്തിനായി വാങ്ങുകയും ചെയ്തുവെന്നാണ് ചരിത്രം.
ജനകമഹാരാജാവിന് ഉഴവുചാലിൽ നിന്ന് ലഭിച്ച സീതാദേവിയുടെ ഭാവത്തിലാണ് ഇവിടെ ദേവിയെ സങ്കൽപ്പിക്കുന്നത്. കാർഷിക ദേവതയായും സീതാദേവിയെ ആരാധിക്കുന്നു.
കേരളത്തിലെ അപൂർവമായ സീതാദേവി ക്ഷേത്രങ്ങളിൽ ഒന്നാണിത്. ശ്രീരാമ-ലക്ഷ്മണ ക്ഷേത്ര ദർശനത്തിന് ശേഷമാണ് സീതാദേവിയെ ദർശിക്കേണ്ടതെന്നാണ് വിശ്വാസം.
കരിഞ്ചാപ്പാടി ചിറക്കാട്ട് ഭരത ക്ഷേത്രം
കുറവ പഞ്ചായത്തിൽ രാമപുരം ക്ഷേത്രത്തിന് പടിഞ്ഞാറ് ഭാഗത്തായാണ് കരിഞ്ചാപ്പാടി ചിറക്കാട്ട് ഭരത ക്ഷേത്രം സ്ഥിതി ചെയ്യുന്നത്.
ശ്രീരാമനെ അഭിമുഖീകരിച്ച് കിഴക്കോട്ട് തിരിഞ്ഞുനിൽക്കുന്ന രീതിയിലാണ് ഭരതസ്വാമിയുടെ പ്രതിഷ്ഠ. ചെങ്കല്ലിൽ നിർമ്മിച്ച വട്ടശ്രീകോവിലിൽ കൃഷ്ണശിലയിലാണ് വിഗ്രഹം.
ശ്രീരാമന്റെ പാദുകകൾ സിംഹാസനത്തിൽ വച്ച് പട്ടാഭിഷേകം ചെയ്ത് ശ്രീരാമദാസനായി പാദസേവ ചെയ്യുന്ന ഭാവമാണ് ഇവിടുത്തെ ഭരത സങ്കൽപ്പം.
ചിറയും കാടും ചേർന്ന പ്രദേശമായതിനാലാണ് ചിറക്കാട്ട് അല്ലെങ്കിൽ ചെറക്കാട്ട് എന്ന പേര് ലഭിച്ചതെന്നാണ് പറയപ്പെടുന്നത്.
കുട്ടല്ലൂർ മനയ്ക്കാണ് തന്ത്രം. മലബാർ ദേവസ്വം ബോർഡിന്റെ നിയന്ത്രണത്തിലുള്ള ക്ഷേത്രത്തിൽ ഗണപതി, അയ്യപ്പൻ, ഭഗവതി എന്നിവരാണ് ഉപദേവതകൾ.
ക്ഷേത്രത്തിന്റെ മുൻവശത്ത് ക്ഷേത്രക്കുളമുണ്ട്. ഞായറാഴ്ചകളിലും വിശേഷ ദിവസങ്ങളിലും മാത്രമാണ് നിലവിൽ പൂജ നടക്കുന്നത്. നാട്ടുകാരുടെ കൂട്ടായ്മയിൽ പ്രവർത്തിക്കുന്ന ട്രസ്റ്റാണ് ക്ഷേത്രത്തിന്റെ ഭരണകാര്യങ്ങൾ നിർവഹിക്കുന്നത്. ക്ഷേത്രം പുനരുദ്ധാരണ ഘട്ടത്തിലാണ്.
പ്രധാന വഴിപാടുകൾ
കാര്യസിദ്ധിക്കായി പാദുക സമർപ്പണവും പഞ്ചസാരപ്പായസവും പ്രധാന വഴിപാടുകളാണ്.
പൂജാദിവസങ്ങളിൽ രാവിലെ 6 മണി മുതൽ 9.30 വരെയാണ് ദർശനസമയം.
നാറാണത്ത് ശത്രുഘ്ന ക്ഷേത്രം
രാമപുരം നാലമ്പല ദർശനത്തിലെ മറ്റൊരു പ്രധാന കേന്ദ്രമാണ് നാറാണത്ത് ശത്രുഘ്ന ക്ഷേത്രം.
ചെങ്കല്ലിൽ നിർമ്മിച്ച രണ്ട് തട്ടുകളുള്ള ചതുരശ്രീകോവിലിലാണ് കിഴക്കോട്ട് ദർശനമുള്ള ശത്രുഘ്നസ്വാമിയുടെ പ്രതിഷ്ഠ. ശംഖ്, ചക്രം, ഗദ, പത്മം എന്നിവയുമായി നിൽക്കുന്ന ചതുര്ബാഹു രൂപമാണ് ഇവിടുത്തെ പ്രതിഷ്ഠ.Ramapuram Nalambalam
ആനല്ലൂർ തെക്കേടത്ത് മനയുടെ പരദേവതാ ക്ഷേത്രമായാണ് ഈ ക്ഷേത്രം അറിയപ്പെടുന്നത്. പൂജയും ഊരായ്മയും ആനല്ലൂർ ഇല്ലത്തിനാണ്. ദിവസവും ഒരു പൂജ നടക്കുന്ന ഇവിടെ നിത്യശീവേലി പതിവില്ല.
മിഥുനമാസത്തിലെ അത്തമാണ് പ്രതിഷ്ഠാദിനം. ക്ഷേത്രത്തിൽ ഉത്സവമില്ല. തരണനെല്ലൂർ പടിഞ്ഞാറെ മനയ്ക്കാണ് തന്ത്രം. ശാസ്താവും നാഗങ്ങളുമാണ് ഉപദേവതകൾ.
ദുർവാസാവ് മഹർഷിയുടെ തപോഭൂമിയായിരുന്നു ഈ പ്രദേശമെന്നാണ് വിശ്വാസം. ആദ്യകാലത്ത് ഇവിടെ പ്രതിഷ്ഠ നടത്തിയത് നാറാണത്ത് ഭ്രാന്തനാണെന്നും ഐതിഹ്യമുണ്ട്.Ramapuram Nalambalam
ശത്രുഘ്ന ക്ഷേത്രത്തിലെ വഴിപാടുകൾ
സുദർശനചക്ര സമർപ്പണം, ഇടിച്ചുപിഴിഞ്ഞ കൂട്ടുപായസം എന്നിവ പ്രധാന വഴിപാടുകളാണ്. പഞ്ചസാരപ്പായസം, മീനൂട്ട്, സുദർശന മന്ത്രാർച്ചന, ശത്രുസംഹാര പുഷ്പാഞ്ജലി എന്നിവയും ഭക്തർ നടത്തുന്നു.
രാവിലെ 5.30 മുതൽ 9 മണിവരെയും വൈകിട്ട് 6 മുതൽ 7 മണിവരെയുമാണ് സാധാരണ ദർശനസമയം.
എങ്ങനെ പൂർത്തിയാക്കാം രാമപുരം നാലമ്പല ദർശനം?
രാമപുരം നാലമ്പല ദർശനത്തിന്റെ പാരമ്പര്യക്രമം ശ്രീരാമ ക്ഷേത്രത്തിൽ നിന്ന് ആരംഭിച്ച് വീണ്ടും ശ്രീരാമ ക്ഷേത്രത്തിൽ എത്തിച്ചേരുന്നതാണ്.Ramapuram Nalambalam
ശ്രീരാമൻ → ലക്ഷ്മണൻ → സീതാദേവി → ഭരതൻ → ശത്രുഘ്നൻ → വീണ്ടും ശ്രീരാമൻ
എന്ന ക്രമത്തിലാണ് ദർശനം നടത്തുന്നത്.
രാമായണത്തിലെ ദാശരഥി സഹോദരന്മാരുടെയും സീതാദേവിയുടെയും സാന്നിധ്യവുമായി ബന്ധപ്പെടുത്തി വിശ്വാസികൾ കാണുന്ന ഈ ക്ഷേത്രങ്ങൾ ചരിത്രവും ഐതിഹ്യവും ഭക്തിപാരമ്പര്യവും ഒരുമിക്കുന്ന അപൂർവ തീർഥാടന കേന്ദ്രങ്ങളാണ്.Ramapuram Nalambalam
രാമപുരം നാലമ്പല ദർശനം ഭക്തിയാത്ര മാത്രമല്ല, മലബാറിന്റെ ക്ഷേത്രചരിത്രവും പാരമ്പര്യവും അടുത്തറിയാനുള്ള അവസരം കൂടിയാണ്.
About the Author
